Bebot na rider, nilikida
- BULGAR
- Jan 25, 2022
- 1 min read
@Balitang Probinsiya | January 25, 2022
QUEZON–Isang babaeng rider ang namatay nang pagbabarilin ng hindi kilalang armadong salarin kamakalawa sa Bgy. Sta. Catalina Norte, Candelaria.
Kinilala ng pulisya ang biktimang nagtamo ng mga tama ng bala sa katawan na si Analyn Sarmiento, nasa hustong gulang, nakatira sa naturang bayan.
Ayon sa ulat, habang minamaneho ni Sarmiento ang kanyang motorsiklo ay biglang humarang sa kanyang dadaanan ang suspek at pagkaraan ay pinagbabaril na ang biktima.
Mabilis na tumakas ang suspek matapos tiyaking patay na ang biktima.
Patuloy pa ang imbestigasyon ng pulisya sa motibo ng suspek sa pagpatay sa biktima.
Comments