Bebot, kinatay ng live-in partner

@Balitang Probinsiya | August 4, 2023

LAGUNA -- Isang 21-anyos na babae ang sinaksak at napatay ng kanyang selosong live-in partner kamakalawa sa Bgy. Saimsim, Calamba City sa lalawigang ito.

Ang biktima na nagtamo ng mga tama ng saksak sa katawan ay nakilalang si Andrea Escalante, samantalang ang suspek ay ang live-in partner nito na si John Lester Catambay, 23, kapwa nakatira sa nasabing barangay.

Ayon sa ulat, nagkaroon ng pagtatalo ang magka-live-in dahil may pinagseselosan umano si Catambay hanggang sa pagsasaksakin ng suspek ang biktima.

Nabatid na nagtangka pang tumakas si Catambay matapos mapatay si Escalante, pero sa follow-operation ng mga awtoridad ay nadakip ang suspek.

Dinala pa ng kanyang mga kamag-anak si Escalante sa ospital, pero idineklara itong dead-on-arrival.