Batang lalaki natagpuang patay sa ilog
BULGAR
Sep 14, 2022
1 min read
@Balitang Probinsiya | September 14, 2022
QUEZON—Isang 9-anyos na batang lalaki ang natagpuang patay kamakalawa habang nakalutang sa ilog ng Bgy. Cawayanin Ibaba, Catanauan.
Sa kahilingan ng pamilya ay hindi na pinangalanan ng pulisya ang biktima na residente sa nasabing barangay.
Nabatid na ilang residente ang nakatagpo sa nakalutang na bangkay ng biktima sa ilog sa naturang lugar.
Ayon sa ulat, huling nakitang buhay umano ang biktima habang nangingisda sa ilog.
Sa pagsisiyasat ng pulisya ay napag-alamang posible umanong rumagasa ang agos sa ilog at tinangay ang biktima kaya ito nalunod.
Comments