Batang babae nalunog sa swimming pool

@Balitang Probinsiya | November 23, 2022

RIZAL—Patay ang 13-taong gulang na batang babae nang malunod sa swimming pool ng subdibisyon kamakalawa sa Bgy. San Juan, Taytay.

Ang biktima ay kinilala ng pulisya na si Samantha Azarcon, residente ng Antipolo City.

Ayon sa ulat, kasama si Azarcon ng kanyang pamilya na naligo sa swimming pool ng subdibisyon at habang naliligo sa ay nalunod ang biktima.

Kaagad sumaklolo ang mga kamag-anak ni Azarcon at dinala sa ospital ang biktima, pero idineklara itong dead-on-arrival.

Patuloy pa rin ang imbestigasyon ng mga awtoridad upang mabatid kung may pananagutan sa pagkalunod ng biktima ang namamahala ng swimming pool sa nasabing subdibisyon.