Barangay secretary, nilikida

@Balitang Probinsiya | January 18, 2021

MASBATE—Isang barangay secretary ang namatay nang barilin ng hindi kilalang armadong lalaki kamakalawa sa Bgy. Del Carmen, Uson.

Ang biktimang nagtamo ng mga tama ng bala sa katawan ay kinilalang si Ronelo Sartin, residente ng Bgy. Malatawan, Palanas sa nasabing lalawigan.

Ayon sa ulat, lulan ng kanyang motorsiklo si Sartin nang biglang sumulpot ang suspek at agad pinagbabaril ang biktima.

Iniimbestigahan na ng pulisya ang motibo ng mga suspek sa pagpatay sa biktima.

Naglunsad na ng manhunt operation ang mga awtoridad para madakip ang suspek.