Bank employee, tinodas ng laborer

@Balitang Probinsiya | May 2, 2023

PALAWAN—Isang bank employee ang namatay nang pagsasaksakin ng kanyang nakaalitang laborer, kamakalawa sa Bgy. San Miguel, Puerto Princesa City sa lalawigang ito.

Kinilala ang biktimang nagtamo ng mga tama ng saksak sa katawan na si Renald Ferriol, samantalang ang suspek ay si Hernan Lopez, kapwa nasa hustong gulang, at parehong nakatira sa nasabing lungsod.

Ayon sa ulat, habang nag-uusap ay nagkaroon ng pagtatalo sina Ferriol at Lopez na humantong sa pananaksak ng suspek sa biktima.

Agad dinala ng mga saksi ang biktima sa ospital, pero idineklara itong dead-on-arrival.

Nahaharap ngayon ang suspek sa kasong murder.