Bangkay ng mangingisda natagpuan

@Balitang Probinsiya | May 13, 2022

CATANDUANES – Isang 50-anyos na mangingisda ang natagpuang patay kamakalawa sa karagatang sakop ng Bgy. Salvacion, Baras sa lalawigang ito.

Kinilala ang biktima na si Pacifico de Sevilla, residente ng nabanggit na bayan.

Nabatid na ilang mangingisda ang nakatagpo sa bangkay ng biktima na nakalutang sa nasabing karagatan.

Sa pagsisiyasat ng pulisya, huli umanong nakitang buhay si De Sevilla habang lulan ng kanyang bangka at nangingisda sa naturang dagat.

Patuloy pa ang imbestigasyon ng mga awtoridad upang mabatid kung aksidenteng nahulog sa dagat kaya nalunod ang biktima o kung may foul play na naganap sa pagkamatay ni De Sevilla.