Bangkay ng mangingisda natagpuan
- BULGAR
- Apr 30, 2022
- 1 min read
@Balitang Probinsiya | April 30, 2022
AKLAN – Isang bangkay ng mangingisda ang natagpuan kamakalawa sa baybaying-dagat ng Bgy. Bel-is, Buruanga sa lalawigang ito.
Ang biktima ay kinilala ng pulisya na si Jose Flores, nasa hustong gulang at nakatira sa nabanggit na barangay.
Nabatid na ilang residente ang nakatagpo sa bangkay ng biktima sa baybaying-dagat ng nasabing barangay.
Huli umanong nakitang buhay ang biktima na lulan ng kanyang bangka para mangisda sa dagat.
Inaalam na ng mga awtoridad kung may naganap na foul play sa pagkamatay ng biktima o kung nalunod ito sa dagat.
Comments