Bahay, tinupok ng apoy

@Balitang Probinsiya | February 26, 2022

AKLAN–Isang bahay ang tinupok ng apoy kamakalawa sa Bgy. Cayangwan, Makato.

Ang nasunog na bahay ay pag-aari ni Lilia Tumaca, nasa hustong gulang at nakatira sa nasabing barangay.

Ayon sa ulat, biglang sumiklab ang sunog sa bahay ni Tumaca at mabilis na kumalat ang apoy sa buong kabahayan.

Sa imbestigasyon ng mga awtoridad ay nabatid na faulty wiring ang naging sanhi ng sunog.

Wala namang iniulat na nadisgrasya sa naganap na insidente.