Bahay ng miyembro ng NPA, sinalakay
- BULGAR
- Aug 1, 2020
- 1 min read
@Balitang Probinsiya | August 1, 2020
BUKIDNON—Sinalakay ng pulisya ang bahay ng isang miyembro ng New People’s Army (NPA) kamakalawa sa Bgy. Mandahikan, Cabanglasan.
Ang sinalakay ng mga awtoridad ay ang bahay ni Richard Dagno, nakatira sa nabanggit na barangay.
Ayon sa ulat, sinalakay ng pulisya ang bahay ni Dagno upang dakpin ito, pero nakatakas ang suspek.
Napag-alaman na nakakumpiska ang mga awtoridad ng iba’t ibang uri ng baril at bala sa bahay ni Dagno.
Patuloy pa ngayon ang isinasagawang pagtugis ng mga awtoridad sa suspek.
Comments