Bagets, nalunod sa ilog

@Balitang Probinsiya | August 20, 2023

AKLAN -- Isang 17-anyos na binatilyo ang namatay nang malunod kamakalawa sa ilog na sakop ng Alaminos, Madalag sa lalawigang ito.

Ang biktima ay kinilala ng pulisya na si Jayson Abang, residente ng nabanggit na bayan.

Ayon sa ulat, naligo umano ang biktima kasama ang kanyang mga kaibigan sa ilog, pero nagawi ito sa malalim na bahagi ng tubig kaya ito nalunod.

Napag-alaman na agad sumaklolo ang mga residente, pero hindi agad natagpuan ang biktima na lumubog sa ilog.

Nabatid na lumipas pa ang ilang oras bago natagpuan ang binatilyo nang lumutang ang bangkay nito sa ilog.