Bagets na most wanted, arestado

@Balitang Probinsiya | June 14, 2023

CAPIZ -- Isang 17-anyos na binatilyong most wanted ang naaresto ng mga tauhan ng pulisya kamakalawa sa kanyang hideout sa Alayunan, Maayon sa lalawigang ito.

Dahil menor-de-edad ay hindi na pinangalanan ng pulisya ang suspek na pansamantalang nakatira sa nabanggit na bayan.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong 3-counts ng kasong rape sa lalawigan.

Ayon sa ulat, may nagbigay impormasyon sa pinagtataguan ng binatilyong rapist kaya agad rumesponde ang pulisya at dinakip ang suspek sa nasabing lugar.

Hindi naman nanlaban ang suspek na ngayon ay nakapiit na sa detention cell ng himpilan ng pulisya.