Bagets na killer, sumurender

@Balitang Probinsiya | February 18, 2021

AKLAN—Isang 17-anyos na killer ang kusang sumuko sa mga awtoridad kamakalawa sa Bgy. Linabuan Norte, Kalibo.

Dahil menor-de-edad ay hindi na pinangalanan ng pulisya ang suspek na residente ng Bgy. Agbalogo, Makato sa nasabing lalawigan.

Nabatid na sangkot ang suspek sa pagpatay sa biktimang si Ariston Ortiz noong Hunyo 2020 sa Kalibo.

Ayon sa suspek, nakonsensiya siya sa kinasangkutan niyang krimen kaya nagkusa na siyang sumuko sa mga awtoridad.

Nakapiit na ang suspek sa detention cell ng pulisya at sa ngayon ay nahaharap siya sa kasong murder.