Bagets na kawatan nasakote

@Balitang Probinsiya | September 17, 2022

ALBAY—Isang binatilyong notoryus na magnanakaw ang nadakip ng pulisya kamakalawa sa Bgy. Tagas, Daraga.

Dahil menor-de-edad ay hindi na pinangalanan ng pulisya ang suspek.

Napag-alamang dinakip ng pulisya ang suspek matapos na ireklamo ito ng isang residente na ninakawan niya ng isang mountain bike.

Ayon sa ulat, maraming kaso ng pagnanakaw sa lalawigan ang suspek.

Hindi naman nanlaban ang suspek nang dakpin siya ng mga awtoridad at sa ngayon ay nakapiit na siya sa detention cell ng himpilan ng pulisya.