Babaeng opisyal ng NPA nasakote

@Balitang Probinsiya | September 5, 2022

CAPIZ—Isang babaeng opisyal ng New People's Army (NPA) ang nadakip ng mga awtoridad kamakalawa sa Bgy. Sibaguan, Roxas City.

Ang suspek ay nakilalang si Lenilyn Jayros, alyas Ka Sandra, 45-anyos, Regional Finance Officer ng NPA na nag-o-operate sa naturang lalawigan.

Nabatid na may nag-tip sa mga awtoridad sa kinaroroonan ni Jayros, kaya agad itong pinuntahan at inaresto ng mga operatiba.

Napag-alamang nakakumpiska ang mga operatiba ng dalawang .45 pistola, mga bala, tatlong granada at mga subersibong dokumento sa pag-iingat ng suspek.

Patuloy pa rin ang isinasagawang taktikal na interogasyon ng mga awtoridad kay Jayros para madakip pa ang mga kasamahan nitong NPA sa nasabing lalawigan.