Armadong tanod, tiklo sa dance party

@Balitang Probinsiya | August 22, 2023

AKLAN -- Isang barangay tanod ang dinakip ng pulisya nang makumpiskahan ng isang baril kamakalawa sa dance party sa Bgy. Angas, Batan sa lalawigang ito.

Kinilala ng mga awtoridad ang suspek na si Reynante Abayon, 38, at residente sa nabanggit na barangay.

Ayon sa ulat, nagkaroon ng kaguluhan sa dance party sa nasabing barangay, kung saan inilabas ni Abayon ang dala niyang kalibre 38. revolver at tiyempong nagresponde ang mga pulis at sinita ito kung dokumentado ang kanyang armas.

Nang walang maipakitang kaukulang dokumento ay agad dinisarmahan at dinakip ng pulisya si Abayon.

Nakapiit na ngayon ang suspek na nahaharap sa kasong illegal possession of firearms and ammunitions.