@Balitang Probinsiya | February 28, 2021
SORSOGON—Isang armadong lalaki ang napatay nang manlaban at makipagbarilan sa pulisya kamakalawa sa Bgy. San Rafael, Prieto Diaz.
Ang suspek ay kinilala ng pulisya na si Bonifacio Betito, residente sa naturang barangay.
Ayon sa ulat, sinalakay ng pulisya sa bisa ng search warrant ang bahay ni Betito dahil sa impormasyong may itinatago itong baril, pero imbes na sumuko at biglang pinagbabaril ng suspek ang mga awtoridad.
Dahil dito, kaagad gumanti ng putok ang mga operatiba dahilan kaya napatay ang suspek.
Nakarekober ang pulisya ng baril at mga bala sa pinangyarihan ng insidente.