Ama tinodas sa harap ng anak
BULGAR
Jan 6, 2023
1 min read
@Balitang Probinsiya | Enero 6, 2023
MASBATE—Isang 53-anyos na ama ang pinatay sa harap ng kanyang anak nang pagbabarilin ng apat na armadong lalaki kamakalawa sa Bgy. Guinbanuahan, Balud.
Ang biktima na nagtamo ng mga tama ng bala sa katawan at nakilalang si Elias Entila, residente ng nabanggit na bayan.
Ayon sa ulat, habang naglalakad si Elias at kasama ang kanyang menor-de-edad na anak nang sumulpot ang apat na suspek at agad pinagbabaril ang biktima.
Mabilis na tumakas ang mga suspek matapos tiyaking patay na ang biktima.
Patuloy pa ang imbestigasyon ng pulisya sa motibo ng mga suspek sa pagpatay sa biktima.
Comments