Ama dinedbol ng anak

@Balitang Probinsiya | September 8, 2023

NEGROS OCCIDENTAL -- Isang 59-anyos na ama ang namatay nang saksakin ng kanyang anak kamakalawa sa Bgy. III-Poblacion, Himamaylan City sa lalawigang ito.

Sa kahilingan ng kanilang pamilya ay hindi na pinangalanan ang biktima at ang suspek.

Ayon sa ulat, habang nag-uusap ay nagkaroon ng pagtatalo ang mag-ama na humantong para pagsasaksakin ng suspek ang biktima.

Agad dinala ng kanilang mga kamag-anak ang biktima sa ospital, pero idineklara itong dead-on-arrival.

Kusang sumuko naman sa pulisya ang suspek na nahaharap ngayon sa kasong parricide.