85-anyos na lolo, dedbol sa motorsiklo

@Balitang Probinsiya | June 22, 2023

NEGROS OCCIDENTAL -- Isang 85-anyos na lolo ang namatay nang aksidenteng mabangga ng isang motorsiklo kamakalawa sa Bgy. Caduhaan, Cadiz City sa lalawigang ito.

Ang biktima ay kinilala ng pulisya na si Jose Medida, nakatira sa nabanggit na lungsod.

Ayon sa ulat, nawalan ng kontrol sa pagmamaneho ang rider ng motorsiklo kaya nabangga nito ang biktimang tumatawid sa kalsada.

Nabatid na nagtamo ng mga pinsala sa ulo at katawan si Medida.

Dinala ng mga saksi ang biktima sa pagamutan, pero idineklara itong dead-on-arrival, habang hindi pinangalanan ang rider ng motorsiklo matapos mangakong sasagutin ang gastos at danyos sa nasawing lolo.