7 tiklo sa poker

@Balitang Probinsiya | Enero 26, 2023

LAGUNA — Pitong sugarol ang inaresto ng mga tauhan ng pulisya nang mahuli sa aktong nagsusugal ng poker kamakalawa sa Bgy. Poblacion, Biñan City sa lalawigang ito.

Itinago muna ng pulisya ang mga suspek sa mga alyas na Richmar, Alfred, John Paul, Karen, Samuel, Juanito, at Carl Oscar, pawang nasa hustong gulang.

Ayon sa ulat, may nagbigay impormasyon sa himpilan ng pulisya na may mga nagsusugal sa nasabing lugar kaya agad sinalakay ng mga operatiba ang gambling den at dito nadakip ang pitong sugarol.

Napag-alaman na nakakumpiska ang mga awtoridad ng mga baraha at cash sa pag-iingat ng mga suspek.

Inihahanda na ang kasong paglabag sa RA 1602 o illegal gambling laban sa pitong suspek.