50 teroristang BIFF, sumurender

@Balitang Probinsiya | May 15, 2023

MAGUINDANAO DEL NORTE—Limampung miyembro ng teroristang Bangsamoro Islamic Freedom Fighters (BIFF) ang sumuko sa pamahalaan, kamakalawa sa bayan ng Parang sa lalawigang ito.

Para sa kanilang seguridad, hindi na pinangalanan ng mga awtoridad ang mga sumukong terorista na pawang miyembro ng BIFF na nakabase sa lalawigan.

Ayon sa ulat, isinuko rin sa mga awtoridad ng mga terorista ang mga dala nilang mga armas at pampasabog.

Sinabi ng mga sumukong BIFF members na nais na nilang magbagong-buhay kaya nagbalik-loob na sila sa gobyerno.

Isinasailalim pa ngayon sa taktikal na interogasyon ang 50 sumukong terorista upang matiyak na bukal sa kanilang kalooban ang pagbabalik-loob sa pamahalaan.