5 NPA sumuko

@Balitang Probinsiya | May 21, 2022

MAGUINDANAO – Limang miyembro ng komunistang New People's Army (NPA) ang sumuko kamakalawa sa pamahalaan sa bayan ng Upi sa lalawigang ito.

Para sa kanilang seguridad ay hindi na pinangalanan ng mga awtoridad ang mga sumukong komunista na pawang miyembro ng NPA na nag-o-operate sa lalawigan.

Napag-alaman na isinuko rin sa mga awtoridad ng mga komunista ang mga dala nilang mga armas at mga subersibong dokumento.

Ayon sa mga sumukong NPA, ay nais na nilang magbagong-buhay at makapiling ang kanilang mga pamilya kaya nagbalik-loob na sila sa gobyerno.

Isinasailalim pa ngayon sa taktikal na interogasyon ang mga sumukong NPA upang matiyak na bukal sa kanilang kalooban ang pagbabalik-loob sa pamahalaan.