4 Wanted na sabungero, timbog
BULGAR
Jul 9, 2022
1 min read
@Balitang Probinsiya | July 9, 2022
AKLAN—Apat na wanted na sabungero ang nadakip ng pulisya kamakalawa sa iba't ibang barangay sa bayan ng Numancia.
Kinilala ng pulisya ang mga suspek na sina Herbert Laurente, 36-anyos; Ernie Laurente, 47-anyos; Michael de Juan, 34-anyos; at Ariad Bantague, 32-anyos, pawang nakatira sa nasabing bayan.
Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nilang kasong illegal gambling na may kaugnayan sa pagsusugal sa tupada.
Hindi na nanlaban at kusa namang sumama sa mga awtoridad ang suspek.
Nakapiit na ang mga suspek sa detention cell ng himpilan ng pulisya.
Comments