4 Notoryus na holdaper nasakote

@Balitang Probinsiya | May 17, 2022

PAMPANGA – Apat na notoryus na holdaper ang nadakip ng mga tauhan ng pulisya kamakalawa sa magkahiwalay na lugar sa mga bayan ng San Simon at Bacolor, kapwa sa lalawigang ito.

Ang mga suspek ay kinilala ng pulisya na sina Rodrigo Olimpo, Dino Drilon, Mark Areston at Reynaldo Mendoza, pawang nakatira sa nabanggit na lalawigan.

Ayon sa ulat, isang babaeng nagngangalang Jenalyn Sarmiento ang humingi ng tulong sa pulisya dahil hinoldap siya ng apat na suspek.

Dahil dito, agad gumawa ng follow-up operation ang mga awtoridad kaya nadakip sina Olimpo at Drilon bayan ng San Simon, at naaresto naman sina Areston at Mendoza sa bayan ng Bacolor, sa Pampanga.

Nabatid na nakakumpiska ang mga awtoridad ng tatlong baril, isang granada at mga bala sa pag-iingat ng mga suspek.