3 kelot, sugatan sa pananaga

@Balitang Probinsiya | January 15, 2022

CAPIZ–Tatlong katao ang sugatan sa pananaga ng lalaki kamakalawa sa Bgy. Codingle, Dumarao.

Kinilala ang mga sugatang biktima na sina Andy Bajon, 33-anyos at Jomar Ladate, 34-anyos at ang suspek na si Jason Ladate, 27-anyos, pawang residente sa nasabing barangay.

Ayon sa ulat, nagkaroon ng pagtatalo sina Andy at Jason habang nag-iinuman kaya pinagtataga ng suspek ang biktima, at nang umawat si Jomar ay pinagtataga rin ito ng salarin.

Napag-alamang naagaw ni Jomar ang itak kaya pinagtataga rin nito si Jason.

Sa kasalukuyan ay ginagamot na sa ospital ang mga biktima at ang suspek.