3 katao, kritikal sa aksidente

@Balitang Probinsiya | March 3, 2022

AKLAN–Tatlo katao ang nasa kritikal na kalagayan nang aksidenteng bumangga ang motorsiklo sa nakaparadang tricycle kamakalawa sa Bgy. Poblacion, Balete.

Ang mga biktima ay kinilala ng pulisya na sina John Ronald Velasco, 19-anyos; Ryan Navarra, 18-anyos at Jorly Ambrocio, 58-anyos, pawang residente sa nabanggit na bayan.

Ayon sa ulat, nawalan umano ng kontrol si Velaso sa pagmamaneho ng motorsiklo habang kaangkas si Navarra kaya bumangga sila sa nakaparadang tricycle na kinalululanan naman ni Ambrocio na nasa gilid ng kalsada.

Nabatid na sa lakas ng pagkakabangga ay nagtamo ng malaking pinsala sa ulo at katawan ang mga biktima.

Dinala ng mga saksi ang mga biktima sa ospital at kasalukuyan pa silang inoobserbahan sa pagamutan.