'Di lang puro Ingles… ANNE, PROUD NA TINUTURUAN DIN NG TAGALOG AT ILOCANO ANG ANAK

Nitz Miralles / Bida

Ang daming followers ng mag-inang Anne Curtis at Dahlia at tuwing nagpo-post ang aktres-TV host ng video o photo ng kanyang baby, ang daming nagla-like.

Sa video na lang na binabasahan niya ng baby book ang anak, umabot na sa 1,938,368 ang views at likes.

Post ni Anne, “Story Time. We seem to have found a book she loves. She’s becoming so daldal. I have a feeling she’s going to be a book lover and bookworm like her mama. Wait till the end. She wasn’t too happy na tapos na.”

Nabanggit ni Anne na binabasahan niya ng book si Dahlia sa gabi at marami ang naka-relate sa kanya, mga mommies na binabasahan din ng books ang kanilang mga babies.

May sagot si Anne sa netizen na nag-suggest na turuan niya ng Tagalog si Dahlia paglaki nito.

“Of course! I talk to her in Tagalog and English. Ang lola niya minsan, Ilocano.”