Pamilya Gatchalian, nag-donate ng Php30M worth ng medical supplies laban sa COVID-19

Bulgarific

Para makatulong sa sistema ng kalusugan sa ating bansa dahil sa pandemya, nag-donate ang pamilya Gatchalian ng medical supplies at complete set ng personal protective equipment (PPE) worth Php30 milyon.

Ang mga ibinigay ng Gatchalian Family ay naibigay na sa National Task Force COVID-19 (NTF COVID-19) at itinanggap ni NTF COVID-19 Head and Department of National Defense Secretary Delfin N. Lorenzana at NTF COVID-19 Chief Implementer and Presidential Adviser on the Peace Reconciliation at Unity Secretary Carlito Galvez, Jr.

Kasama rin nila sa pag-turn-over sinaChief of Staff of the Armed Forces of the Philippines General Felimon Santos, Jr., Administrator of the Office of the Civil Defense Undersecretary Ricardo Jalad at Commanding General of the Philippine Air Force LTGen Allen T. Parades.

Dumating ang C-130 cargo plane na nagdadala ng medical supplies at equipment na ibinili sa Fujian, China noong Linggo ng hapon sa Villamor Air Base sa Pasay City.

Ito ay binubuo ng 20,000 pieces ng PPE, 3,000 pieces ng face shield, 3,000 pieces ng goggles, 100,000 pieces ng gloves, 42,000 pieces ng KN-95 face mask at 500,000 pieces ng surgical face mask.

Pinangunahan at inirepresenta nina Senator Win Gatchalian at Valenzuela 1st District Representative Wes Gatchalian ang turn-over noong Linggo. Nagpasalamat din ang dalawa sa pagsuporta ng gobyerno sa pagpapadala ng mga medical item na kanilang binili.

Ibinahagi ni Senator Gatchalian na ito ay bahagi ng pagtulong ng pamilya nila sa gobyerno at sa mga Filipino na apektado sa krisis na ito. “Bahagi po ito ng tuloy-tuloy naming pagseserbisyo sa taong bayan lalo na’t marami sa kanila ang nalulugmok ngayong panahon ng krisis. Katuwang po ninyo kami sa lahat ng pagsubok,” sabi ni Senator Gatchalian.

Nagbahagi na rin ang Gatchalian Family sa ilang karatig-bayan nito sa Valenzuela City kabilang ang Bulacan, Aparri Cagayan, frontliners ng Philippine National Police- National Capital Region Police Office (PNP-NCRPO), barangay at health frontliners kasama ang mga tanod sa Tacloban City, Leyte at ilang government hospital sa Metro Manila at Batangas.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo