Todo-deny sa relasyon sa 54-anyos na aktor… Sey ni Ivana: Cong. Dan, babaero!

Ador Saluta / Adore Me!

‘Pantasya ng Bayan’ ang masasabi ngayon sa Kapamilya actress na si Ivana Alawi dahil sa pagkakaroon ng ganda ng mukha, seksing katawan at sex appeal.

Naging usap-usapan lately sa socmed ang pagpo-post ni Ivana ng daring two-piece sa ilang pictorials. At dahil kasikatan at pantasya ng kalalakihan, maraming showbiz personalities ngayon ang nauugnay sa kanya at kabilang dito ang aktor-pulitiko na si Laguna Congressman Dan Fernandez.

Sa isang viral social media post ng isang netizen, makikita ang naging pagde-date umano ni Ivana at ng 54-year-old na actor-politician.

Mas uminit pa ang pagkakaugnay nina Ivana at Dan nang mag-celebrate ng kanyang birthday ang sexy star sa Amerika noong 2018 kung saan nandu’n din diumano ang aktor-pulitiko. Hindi na nabanggit kung si Dan ang gumastos sa nasabing birthday celebration ng sexy actress sa U.S..

Makikita ring magkasama sa parehong bansa (Amerika) ang sexy star at actor-politician dahil sa mga naging social media posts nito.

Matatandaang sa naging panayam kay Ivana dati sa Tonight with Boy Abunda, isa sa mga naitanong ng host na si Kuya Boy Abunda sa sexy actress ay kung nililigawan ba siya ng actor-politician.

Sagot ni Ivana, “No, we’re friends. Yes, I won’t deny it, we go out with friends. Pero we’re not romantically involved. No! (why not?) Kasi babaero siya, ayoko ng babaero.”

Dagdag pa niya, “Please, ‘wag na. Ayoko ng ganu’n, gusto ko ‘yung mamahalin ako. Stick to one.”

Matatandaan naman na sa huling panayam din kay Ivana ng It’s Showtime host na si Vice Ganda sa programang Gandang Gabi Vice, buong-ningning niyang pinangatawanan na siya’y single pa rin ngayon.

Ganeeeeern?!

Well, muling magbabalik-serye si Ivana sa ABS-CBN sa Ang Lihim ni Ligaya.