TOPS: Bodybuilding at Karate update sa Usapang Sports

Pangunahing paksa ang Bodybuilding at Karate sa idaraos na 58th “Usapang Sports” ng Tabloids Organization in Philippine Sports (TOPS) na gaganapin sa National Press Club sa Intramuros, Manila.

Tatalakayin ni International Federation of Bodybuilding and Fitness Philippines president Rowena Walters ang darating na dalawang major bodybuilding events sa bansa – ang IFBB Philippines Nationals sa Hulyo 17-18 at ang IFBB Philippines Grand Prix sa Okt. 9-12.

Ang multi-titled na female bodybuilder parehong sa lokal at international competitions, si Walters ay isa ngayon sa leading advocates ng bodybuilding para sa kababaihan.

Naitalaga siya bilang pangulo ng Philippine Committee of Fitness and Bodybuilding (PCFB) noong Nob. 2017.

Dadalo rin sa 10 a.m. session ay sina Philippine Karatedo League (PKL) officials, na pinamumunuan ni Sensei Allan Gonzales (President), Engr. Ecel Bono-Aquino (VP for

Administration) at Sensei Resty Fillarca, Jr. (VP for Technical Affairs).

Iniimbitahan ni TOPS president Ed Andaya ang lahat ng opisyal at mga miyembro at kaibigan sa sports community na dumalo sa public service program na suportado ng Philippine Sports Commission, National Press Club, PAGCOR at Community Basketball Association.