Iba na lang daw… Lorna, ayaw maging tulay para magkabati sina Coco at Robin

Ronalyn Seminiano / Showbiz Trend

Umaasa si Lorna Tolentino na mag­kakaayos din ang mga action stars na sina Coco Martin at Robin Padilla mata­pos ang pagkakaungkat ng is­yung bu­husan ng tubig sa set ng tele­seryeng Ang Probinsyano.

Sey ni Lorna sa renewal of contract niya para sa Beautederm, “Lahat na­man ng mga away-away ng artista sa show­biz, later on, nagkakaroon din ng pagbabati. Kasi iisa lang ang linya ng pagtatrabaho ninyo, so, magkakaintin­dihan din ‘yan. Sa ngayon siguro, hindi pa sila nagka­kausap, pero magkakain­tin­dihan sila eventually.”

Gusto rin ni Lorna na may tuma­yong peacemaker ng dalawang aktor.

Aniya, “Sana, merong tao na pu­we­­deng pumagitna sa kanila para bu­mukas ‘yung isip nila at magkaintin­dihan. But that’s not me. Hahaha!”

Sigurado namang magiging ma­ayos din ang lahat sa pagitan nina Ro­bin at Coco. Let’s see na lang in the near future.