Kapag nakansela ang Olympics walang Plan B ang Japan

Wala umanong pangalawang opsiyon ang organizer ng Tokyo Olympics o Plan B sakali mang mai-postpone ang naturang sporting events dahil sa banta ng coronavirus.

May nabanggit na kaunting pagbabago sa sistema, at ayon kay Katsura Enyo, deputy director general ng Tokyo 2020 Preparation Bureau na tuloy pa rin ang Olimpiyada. Kumatig naman si International Olympic Committee (IOC) president Thomas Bach sa desisyon ng Japan at aniya desidido ang nasabing bansa na ituloy ito sa nasabing petsa.

Umaabot na kasi sa mahigit $12 billion (estimated P600-B) ang nagastos ng Japan para sa pinakamalaking sporting event na gaganapin simula Hulyo 24 hanggang Agosto 9.

Una nang sinabi ng Olympic chiefs na wala silang planong magkansela ng summer games sa Tokyo kung hindi manggagaling sa World Health Organization ang utos na kanselahin ito, ayon sa senior IOC official.