Ex-partner ng aktor… Angel, cord sponsor sa kasal nina Richard at Sarah

Nitz Miralles / Bida

Photo: @sarahlahbati (right)

Natutuwa ang mga fans nina Richard Gutierrez at Angel Locsin na sa kasal ng aktor at ni Sarah Lahbati, hindi lang imbitado ang magaling na aktres, kasama rin siya sa wedding entourage.

Si Angel ang kapareha ni Vice Ganda na cord sponsor sa wedding sa March 14 sa isang five-star hotel.

Maaalalang successful ang love team nina Richard at Angel dati sa mga pelikulang ginawa nila sa GMA Films. Hindi man nagkarelasyon, naging magkaibigan naman sila hanggang ngayon.

Sa nakita naming invitation ng wedding, sina Aga Muhlach at Charlene Gonzales-Muhlach ang candle sponsor at ang mag-asawang Robin Padilla at Mariel Rodriguez ang veil sponsors.

Ang dami pang artistang kasama sa entourage gaya nina Bela Padilla, Yassi Pressman, Coleen Garcia at Janine Gutierrez na mga bridesmaids.

Kabilang sa groomsmen ni Richard ang mga kapatid sa ama na sina Tonton at Monching Gutierrez at maging ang mga tunay na kapatid na sina Rocky at Ritchie Paul Gutierrez. Matron of Honor naman si Ruffa Gutierrez.