Tara Run N’Apo, Sili Run ng Green Media Events, aarangkada

Photo: Tara Run N APO

Humanda na at sumali, tumakbo sa “Tara Run N’APO” ngayong Hunyo 28, 2020 sa Cultural Center of the Philippines.

Ang patakbo na ito ay handog ng APO Runners sa tulong ng Green Media Events.

Ang karerang ito ay tutulong sa Learners with Special Education Needs (LSEN). Naniniwala sila na ang palakasan at kalusugan ay para sa lahat lalo na ang mga kabataan na may espesyal na pangangailangan.

Ang mga kategorya ay 21-km, 10-km at 5-km. Lahat ng magtatapos ay sasabitan ng medalya habang bibigyan ng t-shirt ang mga tatakbo ng 21-km at 10-km.

Maaaring magtungo sa SM Malls Garmin. May online registration din sa Facebook Page ng Tara Run N’Apo.

Kung hindi makakapunta sa lugar mismo ng karera, puwedeng sumali sa kasabay na virtual run kung saan makakamit din ang parehong medalya at t-shirt.

Ang virtual run ay bukas sa 21-km at 10-km lang at tumatanggap lang ng kalahok sa pamamagitan ng online registration.

Samantala, lalong umiinit sa dami ng sumasali ang dalawang iba pang parating na karera ng Green Media na “Sili Run” sa Abril 26 at “Fire Run” sa Mayo 31.