Ibinulgar ng bodyguard ni Sarah.. Matteo, sinabi raw na baliw si Mommy Divine, Daddy Delfin, hinamo

Nitz Miralles / Bida

Ang blooming ni Sarah Geronimo nang mag-report sa taping ng The Voice Teens 2 last Monday. Kahit may eyebags dahil sabi ng mga nag-comment, napuyat mula nang ikasal sila ni Matteo Guidicelli, iba pa rin ang kan­yang glow.

Bukod sa smiles at eyebags, pinansin din ng staff ang suot na engagement at wedding rings ni Sarah dahil ang gaganda raw nito.

Hindi nagpa-interview si Sarah at ang paulit-ulit lang na sinabing… “Okay na po. Okay na po ‘yun. Pasensiya na. Sorry po.”

Ang kasama o pinasama ni Matteo Guidicelli kay Sarah sa taping ay ang close friend nilang si Ranvel Rufino na “No comment” ang sagot sa mga tanong ng mga interviewers.

May nakita kaming photos na dumalaw si Regine Velasquez sa taping at kausap ni­ya sina Sarah at Lea Salonga. May nag-comment kung inulit ni Regine ang pabiro niyang advice kina Sarah at Matteo na mag-sex lang nang mag-sex in a Christian way dahil ka­sama raw ‘yun.

Kasabay ng pagri-report ni Sarah sa taping ng The Voice Teens 2 ang pagpapa-interview ng bodyguard niya na si Jerry Tamara kay Raffy Tulfo sa Raffy Tulfo in Action at idinetalye ang nangyari noong February 20 sa kasal ng Pop Royalty at ni Matteo.

Sinabi raw ni Matteo na baliw si Mommy Divine at hinamon pa ng suntukan ang ama ni Sarah na si Delfin. Sinabi rin daw ni Matteo sa bodyguard na “‘Wag kang makialam dahil asawa ko ‘to,” na ang tinutukoy ay si Sarah.

Pero dahil sa interview ni Raffy kay Jerry, nalaman natin na sa Victory The Fort iki­na­sal sina Sarah at Matteo at sa Shangri-La The Fort sila nag-dinner kasama ang family ng aktor after the wedding.

Ang kuwento ni Jerry, ini-lock down ang second floor ng Victory at kahit hindi niya nakita, doon na ginanap ang kasalan. Nabanggit din nito na narinig niya si Sarah na tumawag sa mom niya para sabihing hindi na siya uuwi.

Ang hindi nabanggit ni Jerry o baka hindi lang namin narinig ay kung ide­de­manda niya si Matteo o tama nang naipa-blotter niya ito at tama nang nakapag­sum­bong siya kay Raffy Tulfo.