Phl SuperLiga, iniatras ang opening sa Peb. 29

Pumalo ng dalawang gintong medalya ang koponan ng Kayod Pilipinas National Squash, habang patuloy na lumalaban sa semifinals sa singles matches ang mga ito, sa ginaganap na 6th Southeast Asian Cup SEA Squash championships, sa Vajiravudh College sa Bangkok, Thailand. Bangkok​

Nanaig mula sa come-from-behind victory ang tambalan nina 30th SEAG silver medalist Robert Garcia at David Pelino sa duo nina Satria Laksana at Agung Wilant ng Indonesia via 2-1, 12-15, 15-14, 11-3 sa men’s Jumbo Doubles para sa unang ginto ng bansa.

“Our players showed a lot of heart and dedication to give their best on achieving this kind of feat,” pahayag ni Philippine Squash Association (PSA) president Robert Bachmann sa panayam ng BULGAR sa social media. “We’re very happy that they continue to achieve our goals just like what the Kayod Pilipinas accomplished during the last SEA Games,” dagdag nito.

Nauna nang tinalo ng top seed na Philippine National men’s team sa semifinals ang second seeded na Brunei team na binubuo nina Huzaire Abang at Abang Safwan Kifrawi, 15-3, 15-8, habang tinalo ng Indonesian partners ang tandem nina Natthakit Jivasuwan at Louis Boonsinsook ng Thailand sa 3rd set 6-15, 15-8, 11-8.

Pasok sa semifinals sa men’s singles sina Garcia nang talunin nito si Mohammad Faisal ng Indonesia, 11-7, 11-5, 11-6 upang makatapat si Duncan Lee Yung Yi ng Malaysia na nagpayuko kay Arista Prima ng Indonesia, 11-611-7, 11-2.

Pasok din sa semis si Reymark Begornia nang tambakan niya si Dzulazmi Mutalib ng Brunei, 11-2, 11-5, 11-2, at sunod na kakaharapin si Muhammad Hafiz Zhafri Bin Abdul Harif ng Malaysia na lumampaso kay Abbas Adbullah ng Thailand, 11-3, 11-3, 11-2.

Umentra rin sa semifinals ng women’s singles sina Aribado at Dalida ng pasukuin sina Fadillah ng Indonesia, 11-3, 11-4, 11-7 at Boonmark ng Thailand, 11-3, 11-5, 11-7 sa quarterfinal match up, ayon sa pagkakasunod.

Haharapin nila ang Malaysian players na sina Aira Azman at Heng Wai Wong.

Ipaparada ng Kayod Pilipinas ang kanilang SEA Games gold medal winning group na sina Garcia, Aribado, Begornia, Dalida at Christopher Buraga sa Sabado para sa Mixed Team event.

Kabilang sa mga lumahok sa 5-day squash tourney ay ang Brunei, Indonesia, Malaysia, Thailand at Pilipinas.

Pansamantala namang hindi lumahok ang mga bansang Singapore at Myanmar.