Karateka Tsukii, pursigido sa World tilt para sa Olympics

Bilang paghahanda sa 2020 Tokyo Olympics, ay kasalukuyang nasa Dubai ang karatekas na si Junna Tsukii upang makakuha ng puntos para maging bentahe niya para makakuha ng tiket sa nasabing quadrennial meet.

Kabilang si Tsukii sa anim na manlalaro na isasabak ng Karate Pilipinas Sports Federation kasama sina Jamie Lim, Sharif Afif, Joan Orbon, Alwyn Batican at Ivan Agustin upang sumabak sa Paris France ngayong Mayo. “There is a strong chance of me qualifying. I still have to go through the qualifiers but with hard work and determination we will get there,” pahayag ni Tsukii.

Ngunit, bago ito ay sasabak muna si Tsukii sa torneo sa Austria na gaganapin sa Pebrero 29 hanggang Marso 1, ang labanan sa Morocco sa Marso 13 hanggang 15 at sa Spain sa Abril 19. Mahahalagang puntos ang kailangan ni Tsukii buhat sa mga nasabing kumpetisyon upang maiangat ang kanyang ranking at makakuha ng tiket patungong Tokyo Japan nitong Hulyo.