Ospital, wala raw nagawa… K, umaming nagpatawag ng mangkukulam gumaling lang ang sakit

Julie Bonifacio / Winner!

Inamin naman ng komed­ya­na-singer na si K Brosas sa Ma­gandang Buhay last Wed­nes­day ang kanyang karamda­man.

Sa umpisa, hindi raw mala­man kung ano ang kanyang sakit.

“Eh, kasi, nababarang ako, actually. Oo, umabot talaga ako sa ganu’n, I swear! Uma­bot ta­laga ako sa tawas. Kasi nga, la­hat ng emergency room that time, 14 years ago, sabi ko, ‘Ano’ng nangyari sa akin?’ Ba­kit lagi akong nasa emergency room? Na tsine-checkup ako, phy­sically healthy (ang resulta).

“Sabi ko, ‘Why am I experien­cing na para akong nai-stroke?’ Tapos, naggaganyan (naninigas na parang nanginginig) ‘yung kamay ko, nagsi-seizure?” kuwento ni K.

Pumayat din daw siya nang bonggang-bongga.

“Kung nakita ninyo, kahit i-check n’yo ‘yung records ko, wala, pati thyroid. ‘Yun ‘yung pinaka-last na tsinek. Kasi sabi, baka thyroid problem daw. Yes, wala. Nakakaloka, sa personality ko naman, I’m healthy as a horse. Eh, ano, nadedemonyo ba ako? Ano’ng nangyayari sa akin?

“Tumawag kayo ng mangkukulam. Alam mo ‘yung nakakatawa sa buhay ko, para akong tinapa. Oo, dinaig ko pa ang tinapa, ‘Day!”

Na-diagnosed daw si K na may chronic anxiety disorder.

“Minsan, may trigger, sobrang saya, sobrang tense,” aniya pa.

Pinuri naman ng mga momshies ng Magandang Buhay si K sa pakikipaglaban niya sa kanyang karamdaman.