Lagpas na sa kalendaryo, takot tumandang dalaga pero may pag-asa pang magkaasawa

Katanungan

1. Matagal na akong sumusubaybay sa inyong mga artikulo at may itata­nong ako tungkol sa guhit ng aking mga palad.

2. Kinakabahan ako na baka hindi na ako maka­pag-aasawa dahil maikli at medyo malabo ang kaisa-isang Marriage Line sa aking mga palad. Gayundin, sabi n’yo na kandidata sa pagtandang dalaga ang mga taong may birth date na 6 dahil March 6, 1983 ang birthday ko. Sa palagay ninyo, tatandang dalaga ba ako? Hanggang ngayon sa edad kong 36 ay hindi pa rin ako nagkaka-boyfriend kahit minsan.

Kasagutan

1. Tama ka, Annatacia, medyo maikli at malabo ang kaisa-isang Marriage Line (Drawing A. at B. 1-M arrow a.) sa kaliwa at kanan mong palad. Pero hindi ka dapat kabahan dahil meron namang guhit ng pag-aasawa, pero malabo at medyo maikli. Ngunit tulad ng naipaliwanag na, at least, me­ron, hindi tumingalang paitaas at gumuhit pa rin naman at makikitang ito ay papalinaw nang papalinaw (arrow a.).

2. Ibig sabihin, matatagalan bago ka magka-boyfriend at makapag-asawa na kinumpirma ng medyo napalayo ang nasabing kaisa-isang Marriage Line (1-M arrow a.) sa Heart Line (h-h arrow b.) sa kaliwa at kanan mong palad. Nanga­ngahulugan ngang late 30s o early 40s pa ng iyong edad, doon ka lang ma­kararamdam ng tunay at dalisay na pagmamahal. Kaya sa panahong tinuran, kusang titibok ang iyong puso at makararamdam ka ng tunay at wagas na pag-ibig. Kaya sa panahong ito, magkaka-boyfriend ka na rin hanggang sa tuluyang makapag-asawa sa takdang pana­hong inilaan ng dakilang katalagahan.

Dapat Gawin

Ayon sa iyong mga datos, basta umibig ka nang umibig at ‘wag matakot magmahal, sa 2021 sa edad mong 38 pa­taas, matitisod mo rin ang itinakda sa iyo ng kapalaran, magkaka-boyfriend ka ng isinilang sa zodiac sign na Cancer na siya na ring magtuturo sa iyong magmahal. Dahil ma­tutuklasan mong masarap umibig at magmahal, mauuwi na rin ang nasabing suyuan sa pagpapakasal at masayang pagpapamilya.