Dos, bago raw ipagtanggol, kapakanan ng maliliit na empleyado ang isipin… Hamon ni Robin: mga artist

Nitz Miralles / Bida

Sa kanyang FB account, hinamon ni Robin Padil­la ang mga superstars ng ABS-CBN at GMA Network na humarap nang live at ipagtanggol ang kani-kanyang network. Ilabas ang kontrata ng mga artista at ikumpara sa mga kasama sa trabaho, taping at shooting, at ipakita sa publiko ang mga tinatamasa raw sa mga networks at ipinaglalaban na mawawa­lan ng trabaho.

Sa mga gustong itama ang mali, si­mulan daw ang pag-uusap sa tamang suweldo, benefits at tamang oras sa shooting at taping bago ipaglaban ang karapatan ng kumpanya. Unahin daw ipaglaban ang maliliit na mangga­gawa.

Open si Robin na ilabas ang kanyang kontrata at pagkumparahin ang mga salaries ng Kapamilya, Kapuso at Ka­pa­tid stars para raw makita ng pub­liko.

“Gawin na nating teleserye, punu­in natin ng revelations ang isyu na ito na dapat pinag-uusapan sa korte at congress,” sabi ni Robin.

“I am for ABS-CBN renewal pero include the agreement of Chairwoman Liza Diño and Secretary Silvestre Bello in the mission and vision. Una muna tayong magserbisyo sa mga tao natin sa loob natin! Sa bakuran natin! Bago tayo manga­pit­bahay,” part ng post ni Robin.