Baka raw may milagro sa healing priest... John, todo-asang mabubuhay pa si Fr. Suarez, wa epek!

Photo: @johnarcilla (right)

Ikinagulat at labis na ikinalungkot ni John Arcilla ang pagpanaw ng healing priest na si Fr. Fernando Suarez lalo pa nga’t malapit na nilang matapos that time ang bio-flick nitong Suarez, The Healing Priest mula sa direksiyon ni Joven Tan.

Nag-last shooting day na ang peli­kula last Feb. 8 at nakakalungkot tala­gang hindi na nahintay ni Fr. Suarez na maipalabas man lang ang kanyang bio-flick.

Inatake sa puso ang kon­tro­ber­siyal na pari habang naglalaro ng favorite sports na tennis sa Alabang Country Club last Feb. 4. He was dec­lared dead on arrival (DOA) at Asian Hospital kung saan ito isi­nu­god matapos mag-collapse.

Ayon kay John ay duma­law-da­law pa ito sa shooting habang gina­gawa nila ang pelikula kaya sob­rang ikinagulat nila ang bali­tang pu­manaw na ito.

“Itinext sa akin ni direk, sob­rang shocked ako,” sabi ni John.

Pumunta raw siya agad sa Asian Hospital pero wala na ngang buhay si Fr. Suarez.

Ikinuwento ni John na hang­gang sa huling sandali ay umasa siyang mabubu­hay muli ang pari at baka magkaroon ng milagro.

“‘Yung kanyang mga followers doon, ‘yung mga believers niya, ‘andu’n lahat sa paligid, ang dami, mina-massage siya kasi malambot pa siya, eh,” kuwento ni John.

“Lahat ay nag-expect ng miracle kasi gumagawa siya ng miracle, baka may mira­cle na mangyari,” he said.

But unfortunately ay oras na nga ma­rahil ni Fr. Suarez, ang paring sinasa­bing nakapagpapagaling ng mga may sakit.

Personal choice ni Fr. Suarez si John para gumanap sa kanyang bio-flick. Ami­nado naman ang aktor na pinag-isi­pan niyang mabuti kung tatanggapin ang pelikula dahil nga may mga controversies sa nasabing pari. Pero nang ma-meet daw niya ito ay nakita niya ang sinseridad nito at doon na siya nag-decide na gawin ang pelikula.

Habang ginagawa ang movie ay lumabas na falsely accused lang ang pari sa reklamong sexual abuse of minor kaya laking-tuwa ni John dahil tama ang naging desisyon niya.

Intended for Summer Metro Manila Film Festival ang pelikula dahil nga timely para sa Holy Week. Kasama rin sa movie si Dante Rivero na gumaganap namang Bishop Antonio Palang, ang naging protektor ni Fr. Suarez at isa sa mga naniniwalang wala siyang kasa­la­nan nang maakusahan ng sexual abuse of minor in 2014.