Vice, Coco at Vic, pinapanood pa rin kahit paulit-ulit na lang kuwento?

Beth Gelena / Bulgary Files

Sa kani-kanilang socmed account ay parehong ipinarating nina Piolo Pascual at Janine Gu­tierrez ang kanilang pagbati sa nanalong Best Picture sa Oscars kamakailan, ang Korean movie na Parasite.

Ani Papa P: “Congratulations to the cast and crew of @pa­­rasite­movie for making his­tory! As a film producer from the region, their feats made me realize that our works can be elevated to global platforms and audiences.”

Ayon naman kay Janine: “So happy for South Korea getting their first Oscar!!! I’ve read about how their gov’t. has hea­vily supported the film industry through tax breaks and investments and it really shows that gov’t. support is so important. In film and in sports and in music. Sana oil.”

Sa komento ni Janine, ma­­la­king bagay talaga na sinu­suportahan din ng gob­yerno ang film industry. Ang kara­nga­lang ma­ta­tang­gap ng Filipino films internationally ay karangalang maipag­mamalaki rin ng Pili­pinas.

Komento ng mga netizens, “Gov’t. support is important and yes, we can ele­vate our works to global platforms and au­diences pero unahin muna nating gu­mawa ng quality movies at tangkilikin ‘to.

“Marami tayong quality movies pero mas marami ang basura, paulit-ulit ‘yung kuwento. Idagdag pa ‘yung ang daming mas gustong manood ng Vice Ganda, Coco Martin or Vic Sotto movies.”

In fairness, pursigido naman sa pagtu­long ang FDCP (Film Development Council of the Philippines) sa pamumuno ni Ms. Li­za Diño na mapaunlad ang movie industry.

Katunayan, ang dami na niyang inila­lapit na film project sa Asian countries na gawa ng mga mahuhusay na direktor.

Hindi nga ba’t ang adhikain ni Ms. Diño ay maiangat ang showbiz industry?

Marami na ring international awards na napapanalunan ang Philippine movies. Pasasaan ba’t mapapansin din ng Oscars ang mga pelikulang Pinoy.

‘Yun nga lang, sa tamang panahon!