Expecto Patronum, baka makasilat

Bibitiwan ngayong araw ang ‘Additional One Win in Group Races’ na binubuo ng anim na karera sa Santa Ana Park Naic, Cavite.

Nakatakdang maganap ang limang Condition Race at Group Race at 3 Year Old Group Race (7). Kasabay nito magaganap ang Pick 6, Pick 5 at Pick 4, kaugnay nito matutunghayan din ang Trifecta, Quartet at Pentafecta.

Sa Race 1, panimula ng Pick 6 na paglalabanan ng walong kalahok at binibigyan ng panalo ang Biglang Buhos, Runzaprun at Mount Iglit.

Ngunit, binibigyan din ng panalo ang Zapima at huwag balewalain ang Angel Brulay at Show Off. Sa Race 2, umpisa ng Pick 5, nakalalamang ang Pilya habang magsisilbing kalaban ang Olympic Gold, huwag ding kalimutan ang Rocking Star at Big Boy Vito.

Sa Race 3, simula ng Pick 4 sa Condition Race (16) nakalalamang ang Electrify habang ang Arimunding Munding ang makakalaban habang ang Expecto Patronum ay may tsambang manalo.

Sa Race 4, ipinapatok ang Storm Chaser at makakalaban ang April Fifteen at huwag mawawalan ng Puso sa Paraiso. Sa Race 5, nakikita ko na maglalaban ay ang Misha at Faithful Wife habang ang Apple de Zap ay may tsamba.

Sa Race 6, nakalalamang ang Star of Kaiapawan habang ang Hard Work Classic ay makakalaban at may tsamba ang Oakhill Princess.