ABS-CBN, aminadong may mali, pero… Juday kay P-Digong: One more chance, Please?!

Julie Bonifacio / Winner!

Nahayag ng damdamin si Judy Ann Santos tungkol sa franchise renewal ng ABS-CBN after she accepted her award sa 4th Ambas­sador’s Night ng Film Development Council of the Philippines.

“Ayoko siyang isipin. Kasi, ang dami nang nag-iisip sa kanya, eh,” biro ni Judy Ann.

“Marami naman talagang mawa­wa­lan ng trabaho, if that happens. I’m just praying that the government, you know, pag-isipan. Kung puwede pang mabigyan ng isa pang pagkakataon at masabi kung ano ang dapat gawin at ‘di dapat na ginagawa.

“Meron naman talagang da­pat ayusin. And, we will all respect kung ano ‘yung mangyayari.”

Naaawa si Juday sa mga taong mawawalan ng trabaho kapag ‘di nai-renew ang franchise ng Kapa­milya Network, tulad nga ng naging banta noon ni Pangulong Rodrigo Duterte.

“Kasi, hindi lang ito daan, libo. Libu-libong tao ang nabuhay at na­bigyan ng maayos na buhay ng ABS-CBN. I just hope the government can find it in their hearts to consider the renewal. Lahat naman, puwedeng maidaan sa maayos na usapan.”

May mga lumabas na petition letter na layuning maka­kuha ng maraming signature para sa renewal ng franchise ng Dos. Tinanong namin si Juday kung willing ba siyang pu­mirma rito.

“Ako, if it’s only for the people who works for ABS? Of course!”

Katwiran niya, she’s been working for ABS-CBN since she was 12 years old.

“So, malapit na malapit, obviously, sa puso ko ang ABS. At ako na yata ang pina­ka-loyal na talent ng ABS. Hahaha! Pero siyempre, may mga pag-iimbot din na­man ako paminsan-minsan, ‘di ba? ‘Yung mga tam­pu-tampo, hindi naman nawa­wa­la ‘yan,” pag-amin ni Juday.

Kabilang si Juday sa mga binigyan ng award sa kate­gor­yang A-Listers sa Ambassador’s Night ng FDCP dahil sa pagka­pa­nalo niya ng international acting award para sa pagganap niya sa pe­li­kulang Min­danao.

Bukod kay Juday, nasa listahan din ng A-Lister’s ang pelikulang Aswang na idinirek ni Alyx Ayn Arumpac, Jun Robles Lana para sa Kalel, 15, ang Mindanao direc­ted and produced by Brillante Men­­doza and Verdict ni Ray­mund Ribay Gutierrez.

“Ang bigat niya, ha?” natata­wang sabi ni Juday habang hawak ang naku­hang award from FDCP.

Inamin ni Juday na na-tense siya when she accepted her award.

On a lighter note, magiging busy si Juday sa darating na Valen­tine’s Day.

“I’ll be busy with our event, in Angry Adobo. It’s a coo­king experience. It’s my first time to actually teach some of our guests for our event. Ano lang naman, sa isang branch lang naman, sa may Westgate branch (Ayala, Alabang) lang. And it’s one night event. All seats are taken. It’s for 30 persons only. I’m excited. On the 14th, malamang tulog na kami ni Ryan. Hahaha!”

Ever since naman daw ay hindi sila lumabas ng mismong araw ng Valentine’s Day.

“Kasi, ang traffic. Puno lahat ng restaurants. Sa bahay lang kami, normally. I’ll just cook for something, for the two of us. Something na hindi normal na iniluluto ko tuwing hapunan. Espesyal. May mga paandar na bulaklak, ganyan.

“But Ryan is, from the very first time that we went out on a date, always ‘yan, may flowers on Valentine’s, ayun. ‘Yung little things na ganoon, really means a lot.”

Pero may kakaibang kilig pa rin daw sa kanya ang Valentine’s Day.

“Masu-surprise ka pa rin sa kanya (Ryan). He knows how to make you feel really, really special,” kasunod ang matamis na ngiti ni Juday.