Feeling walang halaga sa BF, problemado

Dear Roma, Ako si Raj, 25-anyos, hindi ko maunawaan kung mahalaga pa ba ako sa boyfriend ko dahil ‘yung mga mahahalagang araw namin ay parang wala lang sa kanya. Nakalulungkot lang isipin na kapag importante sa kanya ay pinahahalagahan ko bilang pagsuporta sa kanya, pero bakit pagdating sa akin ay ganu’n siya? Sana ay mapayuhan n’yo ako tungkol dito. —Raj

Raj, Mas makabubuti na mag-usap muna kayo ng boyfriend mo dahil baka may pinagdaraanan lamang siya at hindi niya masabi sa iyo kaya iba ang pagkakaunawa mo. ‘Wag ka agad mag-isip ng kung anu-ano dahil isa ‘yan sa makasisira ng inyong relasyon. Konting pang-unawa lang at siguradong magkakaintindihan din kayo. God bless!