Babaeng tanggap kahit 2 sila sa buhay ng lalaki, 'wag lang siyang iwan

Bigyang-daan natin ang iba’t ibang klase ng pag-ibig o love.

Marami ang nagsasabi na “To love is nothing” at “To be loved is something” na para bang walang kuwenta na tayo lang ang nagmamahal. Ito ay nararanasan ng mga mahal ang karelasyon, pero hindi naman sila mahal ng kanilang karelasyon.

Minsan, hindi natin sila masisisi dahil nga sila ay nagmamahal at sa kanilang pag­mamahal, nakadarama rin sila ng kaligaya­han. Kaya lang, ang ganu’ng pagmamahal ay pinakamasaklap sa lahat ng klase ng pag­mamahal. Ito ang kahulugan ng “To love is nothing”.

Ang “To be loved is something” ay na­raranasan ng marami na may nagmamahal sa kanila kung saan sila ay parang espesyal dahil may nagtatangi sa kanila.

Ito ay dahil gagawan sila ng magagan­dang bagay ng mahal nila, reregaluhan, ka­kain sa magagandang restoran nang mag­ka­sama, magde-date sa magagandang lugar at ma­mamasyal sa mga malalayong pasyalan.

Sa babae, kapag may nagmamahal sa ka­­nila, asahan n’yo nang makatatanggap sila ng mga bulaklak at sa buhay ng babae, ang ganitong bagay ay nagbibigay-ligaya sa ka­nila. Gayundin, kapag minamahal ang ba­bae, makikitang sila ay proud na proud dahil marami ring dalaga na nagsisitanda nang hin­di pa nakararanas na may nagmamahal sa kanila.

Mahirap kapag walang nagkakagusto sa babae, lalo na kapag siya ay may magandang kalagayan sa buhay dahil ang ibang babae na nakikita niyang mas ma­baba ang kalaga­yan sa kanya ay minamahal, pero siya ay hin­di pa nakararanas na ma­halin. Kaya masasabi ring na­pakalungkot ng babaeng wala pang boyfriend o manliligaw.

Pero may isang nakahihi­git sa babaeng may nagmama­hal at ito ay ang isa pang pana­naw tungkol sa love na “To love and be loved and that is everything.” Ibig sabihin, ang mi­nahal mo ay minamahal ka rin, kaya sobrang ligaya ang iyong madarama. Ito rin ang pina­pangarap ng lahat, ang mahalin din sila ng minamahal nila. Mayroon pa bang mas sa­saya sa ganitong sitwasyon? Siguro, wala na.

Kaya lang, ito ay hindi garantiya na ang mahal mo na nagmamahal din sa iyo ay ikaw lang ang minamahal. Kumbaga, oo, mahal ka niya, pero maaaring may mahal pa siyang iba bukod sa iyo.

Sa ngayon, masasabing ito na ang uso, as in, marami ang ganito na higit sa isa ang ka­nilang mahal, lalo na sa hanay ng kalala­kihan. Kumbaga, ang masarap na pakinggan na “one and only” ay outdated na at naiwan ng panahon at napabilang na sa mga maka­lumang panuntunan ng buhay sa larangan ng pakikipagrelasyon.

Hindi ito katanggap-tanggap, lalo na sa kababaihan, pero mahirap paniwalaan na kapag ang babae ay tunay na nagmahal, hin­di siya papayag at maaaring napakagulo ng sitwasyon sa huli, pero dahil mahal na mahal niya ang lalaki ay papayag na rin siya sa ga­nu’ng reyalidad dahil higit na pahahalagahan niya na ang mahal niya ay nasa kanya pa, as in, hindi naman siya iniwan.

Mahirap paniwalaan ang ganitong mga pangyayari, pero ito ay nagaganap na ang babae ay nagalit dahil may ibang mahal ang kanyang minamahal, pero nawawala rin ang galit sa ngalan ng pag-ibig.

(Itutuloy)