May 'K' bilang Phenomenal Stars of Philippine Cinema, Daniel… Movie nina Kathryn at Alden, k

Nitz Miralles / Bida

Kung hindi dahil sa gagawing 51st Guillermo Mendoza Box Office Awards, hindi pa lalabas ang total box office gross ng Hello, Love, Goodbye nationwide and international sales.

Umabot daw sa P1.3 B ang total gross ng Star Cinema movie based sa published ranking and gross receipt kaya sina Kathryn Bernardo at Alden Richards ang 2019 Phenomenal Stars of Philippine Cinema.

Kaya wala naman sigurong kokontra at walang mamba-bash lalo na kay Alden kung bakit sa kanya ibinigay ang award o sa kanila ni Kathryn. Bukod dito, ka-tie pa ni Alden si Aga Muhlach sa category na Film Actor of the Year at si Kathryn ang Film Actress of the Year para pa rin sa nasabing pelikula.

On the roll si Alden ngayon sa sunud-sunod na awards at endorsements at may bago pang TV show, ang Centerstage, isang musical competition ng GMA-7 na ang aktor ang main host. Ang maganda pang balita, baka gumawa ng pelikula si Alden this year.

Also, dahil sa sunud-sunod na balita kay Alden, pati sa iTunes charts this week, panalo ang aktor. Ang Wish I May album nito ay #32 iTunes Top 200 Releases Philippines Pop Chart at #58 iTunes Top 200 Releases Philippines All Genre Chart.

Ang Say It Again album naman ni Alden ay #85 iTunes Top 200 Releases Philippines Pop Chart at #147 iTunes Top 200 Releases Philippines All Genre Chart. Ang Until I See You Again album naman niya ay #173 iTunes Top 200 Releases Philippines Pop Chart.

Parang gustong sabihin kay Alden na gumawa uli siya ng bagong album na unfortunately, wala pa sa plano niya ngayon.