Eala, no. 4 sa world ranking nang mag-champ sa Aussie Open

Hindi matatawaran ang galing at determinasyon na ipinamalas ng batang tennis player na si Alex Eala sa kanyang pagsabak sa katatapos na 2020 Australian Open Juniors doubles tournament.

Nakuha ni Eala ang Grand Slam title para sa juniors kasama ang kanyang Indon na partner na si Priska Nugroho. Kamakalawa lang nakuha niya ang No. 4 world ranking sa natipong puntos na 718.75 points.

Ngunit sa kabila ng tagumpay ay nanatiling mapagkumbaba si Eala at hindi pa rin makapaniwala sa kanyang panalo.

Ayon sa kanya hindi naging madali ang pagkuha ng nasabing tagumpay ngunit malaki ang pasasalamat niya at nakuha pa rin niya ito.

“Well I really don’t know what to expect going into a tournament in that high level – everyone being of course very experienced and everyone being good – we just do whatever and be prepared,” ani Eala.

Hindi man pinalad na magwagi sa singles tournament masaya pa rin at puno ng pasasalamat si Eala sa naiuwing tagumpay.

“I am very thankful for winning this trophy for the country and for the family,” ayon pa Kay Eala.