Pakikiramay sa pamilya ni Bryant bumuhos, trahedya inalam

Pansamantalang ipinagpaliban ng National Basketball Association (NBA) ang laban sa pagitan ng Los Angeles Lakers at ng LA Clippers, Martes ng gabi, (Miyerkules sa Pilipinas) sa Staples Center bilang respeto ng Lakers organization sa pagyao ni Lakers icon at legendary superstar Kobe Bryant.

Naglabas ng statement ang pamunuan ng NBA kasunod ng trahedyang kumitil sa buhay ng 41-anyos na si Bryant, kabilang ang walo pa, kasama ang panganay na anak na si Gianna, nang bumagsak ang sinasakyang helicopter sa Calabasas, California, USA Linggo ng gabi. “ The Los Angeles Lakers would like to thank all of you for the tremendous outpouring of support and condolences. This is a very difficult time for all of us. We continue to support the Bryant family and will share more information as it is available,” ayon sa inilabas na statement.

Ang iba pang mga biktimang kabilang sa masamang trahedya ay sina longtime baseball head coach at Orange Coast College John Altobelli, asawa nitong si Keri at anak na si Alyssa, assistant coach Cristina Mauser, mag-inang Sarah at Payton Chester at pilot Ara Zobayan.

Nagbigay din ng kanyang statement si NBA commissioner Adam Silver hinggil sa pagpanaw ng dating 5-time Champion, 2-time Finals MVP, 18-time All-star at isang season MVP, gayundin, ang 2 beses na scoring champion noong 2006 at 2007. “The NBA family is devastated by the tragic passing of Kobe Bryant and his daughter, Gianna,” pahayag ni Silver. “For 20 seasons, Kobe showed us what is possible when remarkable talent blends with an absolute devotion to winning. He was one of the most extraordinary players in the history of our game with accomplishments that are legendary: five NBA championships, an NBA MVP award, 18 NBA All-Star selections, and two Olympic gold medals. But he will be remembered most for inspiring people around the world to pick up a basketball and compete to the very best of their ability. He was generous with the wisdom he acquired and saw it as his mission to share it with future generations of players, taking special delight in passing down his love of the game to Gianna. “We send our heartfelt condolences to his wife, Vanessa, and their family, the Lakers organization and the entire sports world.”

Bilang pagpupugay at pagkilala sa tinaguriang “The Black Mamba” ng NBA, inihandog ng mga koponan ang tig-24 second shot clock violation at 8-sec half court violation sa kanilang mga laro, upang magbigay respeto at pagpapahalaga sa ibinigay na inspirasyon at ambag nito sa pandaigdigang kompetisyon lalo na sa NBA. Ang mga numerong 8 at no. 24 ay ang mga retiradong numero ni Bryant sa Lakers na kanyang pinagsilbihan ng 20-taon bilang nag-iisa lang na koponan nito.

Sa pinakabagong balita, napag-alaman ng CNN na nagpahayag pa ang pilotong si Zobayan na itinaas pa nito ang kanyang paglipad upang iwasan ang makakapal na ulap na nakaharang sa kanilang paglipad, ayon sa National Transportation Safety Board ng California. Sinubukang tumugon ng air traffic control sa pahayag ni Zobayan, ngunit, wala na itong nakuha pang tugon kung saan huling namataan sa pag-uusap bandang 9:45 ng umaga, ayon kay Jennifer Homendy ng NTSB.

Napag-alaman ng NTSB sa radar data na umakyat pa ng 2,300 feet ang helicopter at nagsimulang lumiko ng pakaliwa pababa. Mababa umano ang kakayahang makakita dahil sa fog, kung kaya’t iniimbestigahan pa ng NTSB ang mga huling sandal bago ito bumagsak sa dalisdis ng bundok ng Calabasas. Nagpira-piraso ang parte ng helicopter na lumikha ng ilang debris na umabot sa 500-600 feet. “There is (an) impact area on one of the hills and a piece of the tail is down the hill, on the left side of the hill,” wika ni Homendy. “The fuselage is over on the other side of that hill, and then the main rotor is about 100 yards beyond that,” dagdag nito.